Пластичен хирург направил листа што сè треба да поправи на лицето на манекенката, таа му возврати
Топ-моделот на 90-тите години Паулина Поришкова со години красеше бројни насловни страници на престижни магазини, снимаше едиторијали и носеше ревии на најголемите светски модни куќи и дизајнери.
Манекенката сега гордо го истакнува своето лице и тело и не сака да им подлегне на суровите стереотипи за „совршена“ убавина.
View this post on Instagram
Откако еден пластичен хирург ѝ посочил што се манекенката Паулина Поришкова (57) треба да „поправи“ на лицето, таа му возврати.
„Ја пронајдво оваа фотографија, која претходно ја објавив и мислев дека изгледам одлично на неа, ја најдов на профилот на пластичен хирург кој детално објасни што треба да поправам. Тие здодевни вдлабнатини под моите образи може да се поправат со филери, ботоксот може да ги поправи моето чело, брчките од страната на усните и вратот со многу ласер да се затегне и измазни сè“, напишала таа на својот инстаграм-профил.
„Тоа е она со што постарите жени треба да се справат во јавноста. Ми кажаа дека моето лице треба да се поправи бидејќи некако се расипало со годините“, напишала манекенката и прашала: „Дали е некакво чудо што повеќето од нас кои имаме можност да прибегнеме кон некои форми на естетска поправка за она за што ни велат дека е лошо?“
View this post on Instagram
Манекенката откри дека подлегнала на одредени козметички третмани како ласер и плазма пенкало и напиша: „Би сакала да најдам баланс помеѓу тоа да бидам горда на тоа како изгледам на моите години и повремено да се чувствувам убаво“.
Таа призна дека во својата работа морала да се соочи со изгледот на сопственото лице и дека се бори со прифаќањето на несовршеностите. „Иако го прифатив најголемиот дел од тоа, сепак ми е тешко да прифатам сè“, рекла Паулина.
„Да ѝкажуваш на жената што да прави за да се направи попривлечна е погрешно, без разлика дали тоа е боја на коса, шминка, крем, облека или други поинвазивни опции. … Секој пат кога ќе размислувате или и кажувате на пријателката „знаеш, би требало…“ Застанете за миг. Ако таа не бара помош, дали навистина и помагате? Подобро истакнете го она убавото во неа“, порачала манекенката.
Пластичниот хирург потоа ја избриша својата објава.
View this post on Instagram
Паулина претходно се одбрани откако корисник на Инстаграм ја критикуваше дека објавува фотографии во бикини: „Мора многу да те боли да продолжиш да објавуваш фотографии во бикини на таа возраст. Отсекогаш сум мислел дека најтешко им е на убавите луѓе да остарат и да станат грди. Се молам да се помириш со твојата смртност“.
Манекенка му возвратила дека не постои нешто како грдо и старо.
