Писонеро: Ова што го има Вардар е извонредно! (ВИДЕО)
За в среда (24 јули) е закажана првата прозивка кога новиот тим ќе ги почне подготовките за сезоната во која ќе брани три важни трофеи, во првенството на Македонија, во СЕХА Газпром лигата и во Лигата на шампионите.
– Се чувствувам многу добро во Скопје. Тоа се моите први импресии од оваа недела колку сум тука. Веќе го запознавам и градот, и добив многу добра препорака од моите пријатели како добро место за работа и живеење – рече Писонеро во интервјуто за за клупскиот сајт.
Иако комуникацијата засега е на англиски јазик, новиот тренер има сериозна цел, да го повтори она што неговите претходници веќе го направија – да научи Македонски. Веќе повторува, прашува како се изговара некој збор.
И кога салата во СЦ Јане Сандански не е полна се чувствува атмосферата, навивачкиот набој. Мирисот на двете европски титули го има низ сите ходници и соблекувални.
„Ова што тука го има Вардар е навистина извонредно. Го влегов во салата се возбудив. Го гледаш ова култно место. Се изгледа поинаку кога си тука, на терен, на клупата и горе го гледаш семафорот. Ракометот тука поинаку се доживува, се е посветено на овој спорт. Тоа е разликата со Шпанија – додаде Писонеро.