Пијан маж украл 40 рози од цвеќарница во градот Јелизово на Камчатка, а потоа ги дал на непозната девојка на улица, објавија руските медиуми.

Против него е покрената истрага, а врз основа на рускиот кривичен закон, максималната казна за ваков вид кражба е до четири години затвор.

Продавачката во цвеќарницата пријавила дека непознато лице влегло во просториите, украло две ќеси со рози (вкупно 40) од витрината и избегало. Благодарение на безбедносните камери, полицијата брзо добила опис на осомничениот и го привела во текот на 24-часовната смена.

Станува збор за 31-годишен локален жител кој е познат на полицијата веќе некое време.

– Утврдено е дека мажот бил во алкохолизирана состојба кога поминал покрај цвеќарницата. Гледајќи ги изложените рози, ги зграпчил и истрчал на улицата. Кога, сепак, набрзо сфатил дека не му требаат цвеќињата што ги украл, му ги дал на случаен минувач – наведува локалната полиција во своето соопштение.