Претседателот на Комисијата за заразни болести, проф. д-р Александар Петличковски денеска соопшти дека вакцинацијата против сезонски грип се одвива во најдобар ред и засега одзивот е добар, односно над 30.000 граѓани пројавиле интерес да се вакцинираат.

На прес-конференција, д-р Петличковски истакна дека набавени се 60 илјади дози вакцина, кои се четиривалентни.

Ги следиме препораките од Светската здравствена организација за почеток на вакцинацијата во октомври. Би било убаво годинава да забележиме пораст на опфатот со што би се приближиле до препораката од СЗО за опфат од 75 проценти – додава тој.

Во моментов, тој вели дека доминира инфлуенца тип А и оти очекуваат вакцината да ги покрие циркулирачките варијанти.

Засега има добар одзив, веќе над 30 илјади граѓани пројавиле интерес да се вакцинираат, вели претседателот на КЗБ.

Почнува вакцинацијата против грип – се пријавиле 30 илјади граѓани