Пет работнички во штипска конфекција заразени со коронавирус

Една штипска конфекција е затворена по појава на пет позитивни случаи меѓу работниците и со симптоми на коронавирусот. Конфекцијата производството го прекинала вчера, по препорака на епидемиолозите од Центарот за јавно здравје-Штип.

Директорката на Центарот за јавно здравје, Марија Димитрова потврдува дека станува збор за конфекција со 80 вработени и според најавата на сопственикот нема да работи две недели, со цел да не се шири вирусот.

Во детските градинки се следи состојбата и таму по алгоритам се тестираат децата по појава на симптоми.

-Тестирани се и неколку деца од штипските градинки, кои покажале симптими, како зголемена температура и повраќање. Сите тестови се негативни, вели Димитрова.

Во регионалното Инфективно одделение во Клиничка болница-Штип за разлика од пред еден месец кога доминираа пациенти од Штип, сега поголемиот број се од Пијанечко-Малешевскиот регион, а исто така деновиве се хоспитализираат и од Кочани, каде што  драстично се зголемува бројката на заразени, поради ширењето на вирусот пред се на семејните веселби. 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот