Песков: Сите лица од потесниот круг на Путин се вакцинирани
Речиси сите лица од потесниот круг на рускиот претседател Владимир Путин се вакцинирани против корона вирусот, иако во Кремљ немаше планирана вакцинација и ревакцинација, истакна денеска портпаролот на претседателот Дмитриј Песков, пренесува АП.
„Се разбира, речиси сите од потесниот круг на Путин се вакцинирани – изјави Песков за новинарите.
Тој вели дека не го знае точниот број на вакцинирани работници во канцеларијата на шефот на државата, но посочува дека немало закажување на вакцинација и ревакцинација. Песков изјави дека повеќето од заразените меѓу контактите на Путин се луѓе кои се грижат за неговите работни активности и безбедност.
„Некој се зарази, и бидејќи членовите на овие тимови комуницираат едни со други, голем број луѓе се заразија“ – рече Песков и додаде дека има доволно службеници во Кремљ да ги одржуваат активностите на претседателот.
Путин денеска објави дека неколку лица од неговата околина се заразени и дека поради тоа ќе остане во самоизолација „неколку дена“.
Путин оди во самоизолација поради заразено лице во неговото опкружување