Новиот тренер на Партизан, Жоан Пењароја, заедно со новото засилување Камерон Пејн, по пристигнувањето во Белград за првпат се обратија пред јавноста.

Шпанскиот стратег откри дека контакт меѓу него и црно-белите постоел уште во 2021 година, но тогаш клупата на Партизан ја презеде Жељко Обрадовиќ.

„Точно е дека пред околу три недели Партизан повторно стапи во контакт со мене. Му благодарам на претседателот Остоја за довербата и можноста, особено ако се земе предвид дека и пред заминувањето на Обрадовиќ постоеше комуникација меѓу клубот и мене околу евентуално доаѓање во Партизан. Преговорите не беа комплицирани, но имаше одредени прашања поврзани со раскинувањето на договорот со Барселона, кои мораше да се решат за целосно да се комплетира мојот ангажман и доаѓањето во Белград“, изјави Пењароја.

Жоан Пењароја официјално е нов тренер на Партизан