Пендаровски: Партиската функција на Ковачки е ситуација без преседан

Фото: Слободен печат

Не постои полковник во ниту една Армија кој во медиуми се расправа за политика со министерот за одбрана, истакна претседателот Стево Пендаровски, коментирајќи ја најавата на министерката Радмила Шекеринска за измени во Законот за служба во Армијата, откако полковникот Драган Ковачки стана член на Извршниот комитет во ВМРО-ДПМНЕ. Пендаровски додава дека на овој начин се руши кредибилитетот на Армијата, а прашањето за партиската функција на Драган Ковачки било покренато и на неодамнешниот Совет за безбедност.

– Тоа е ситуација без преседан која мора час поскоро да се надмине. Срамна е за луѓето што ја прават, но е и девастирачка за имиџот на институциите. Ако најавените измени во Законот за служба во Армијата се во оваа насока, поддржувам каква било потребна нормативна измена што тоа ќе го спречи. Ако сте кандидат на избори, во време на кампањата сте ослободени од армиските должности и во тој период сте политичар или кандидат за политичка функција, истакна претседателот Пендаровски велејќи дека станува збор за ситуација без преседан.

Вчера министерката за одбрана Радмила Шекеринска нагласи дека ова прашање треба законски да се регулира, без да се влијае на можноста некој да навива или членува во одредени политички партии, но според неа, неприфатливо е униформата да биде дел од партиските раководни структури.

По најавата на министерката го контактиравме и новоизбраниот член на Извршниот комитет на ВМРО-ДПМНЕ, Драган Ковачки, кој истакна дека не е време за политичка изјава, бидејќи во моментот извршувал службени задачи во Министерството за одбрана.

(ВИДЕО) Шекеринска до полковникот Ковачки: Да не ја ставаме политиката над Армијата!

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот