(ВИДЕО) Шекеринска до полковникот Ковачки: Да не ја ставаме политиката над Армијата!

Полковникот Ковачки кусо ни одговори дека е на работни задачи во Министерството и не може да дава политички коментари сред работно време.

Во ситуација кога стануваме членка на НАТО, наместо уште повеќе да ја тргнеме политиката од армијата некој се труди да ја вмеша во партиски битки само заради личен интерес, искоментира министерката за одбрана Радмила Шекеринска, одговарајќи на новинарско прашање за назначувањето на полковникот Драган Ковачки за член во Извршниот комитет на ВМРО-ДПМНЕ.

Таа додаде дека ова прашање било поставено и на вчерашниот Совет за безбедност, а ставот на присутните бил да се регулира оваа материја со законско решение, поточно преку Законот за служба, кој се усвојува во Собранието со обично мнозинство.

– Ставот на сите беше дека ова прашање треба законски да го регулираме, без да влијаеме на можноста некој да навива или членува одредени политички партии, но дефинитивно неприфатливо е униформата да биде дел од партиоските раководни структури, изјави министерката Шекеринска.

Прочитајте и...  Филипче: Се работи на изнаоѓање решение за нови термини, колегите работат во три смени

Таа додаде дека ВМРО-ДПМНЕ продолжува да ја дели армијата и како опозиција, оценувајќи дека во партијата останале старите навики.

– Замислете ситуација кога има началник, заменик началник и директор на Генералштабот и едниот да отиде во СДСМ, другиот во ВМРО-ДПМНЕ, третиот во ДУИ, а дел од полковниците да заминат во ЛДП или Алијанса. На што ќе личи таа армија? Како ќе се чувствуваат припадниците на армијата ако луѓето кои ги раководат, што имаат униформа и се заколнале со таа униформа, на таа армија, на таа држава, тераат партиска политика? Не случајно порано не сме имале вакви состојби, покрај тоа што не сме имале целосни законски ограничувања. Сите водевме сметка дека Армијата треба да ја држиме над политиката, истакна Шекеринска.

Прочитајте и...  СДСМ: Ново дефиле на Мицкоски за одбрана на криминалот, ВМРО-ДПМНЕ дејствува опасно по јавното здравје

Слободен печат го контактираше новоизбраниот член на Извршниот комитет на ВМРО-ДПМНЕ, Драган Ковачки, кој истакна дека не е време за политичка изјава.

– Во моментов извршувам службени задачи во Министерството за одбрана, а коментар за изјавата на министерката сум подготвен да дадам по истекот на работното време, вели Ковачки.

Полковникот Драган Ковачки беше првичниот предлог на претседателот на ВМРО-ДПМНЕ, Христијан Мицкоски за нов технички министер за внатрешни работи. Сепак, во фотелјата седна Наќе Чулев, откако власта, односно СДСМ, негодуваше за името на Ковачки, повикувајќи се на член на Уставот, каде се наведува дека „со органите на државната управа во областа на одбраната и полицијата раководат цивилни лица кои непосредно пред изборот на тие функции биле цивили најмалку три години“.

Прочитајте и...  Сончево со мала до умерена облачност

Поврзани вести

Дачиќ: Немам желба за извршна власт

Слободен печат

Во Египет денеска и утре се гласа за половина од пратениците

Слободен печат

ЕУ одговори на барањето на Чешка, испрати 150 респиратори

Слободен печат

Индија: Повеќе од 53.000 заразени за еден ден

Слободен печат

Почина Амди Бајрам

Слободен печат

Во градинка во Неготино во изолација две вработени и 13 деца

Слободен печат

Остави Коментар