Maкедонскиот ракометен шампион, Еурофарм Пелистер одлично парираше, но на крајот сепак претрпе нов пораз на турнирот во Добој. Подобар од македонскиот претставник сега беше француски Монпелје со 26:29.

Избраниците на тренерот Александар Јовиќ одлично го стартуваа натпреварот и долго време беа рамноправен противник на поранешниот европски шампион, но падот во второто полувреме беше одлучувачки Французите да слават.

Во првото полувреме во најголем дел гледавме изедначена игра и ниту еден тим не направи поголема разлика од два гола. Монпелје на пауза замина со минимално водство од 11:12.

Почетокот на второто полувреме донесе многу подобра игра на францускиот тим кој започна да го диктира темпото и имаше се во свои раце. Во еден момент Монпелје водеше и со девет гола разлика, додека до крајот пелистерци се изборија за достоен пораз од 26:29.