Во последниот натпревар од денешната програма во рамки на 14. коло од македонската кошаркарска Суперлига, Пелистер дојде до убедлива победа на гостински терен кај Маџари со резултат 99-83.

Иако конечниот исход укажува на лесен триумф, случувањата на паркетот понудија поинаква слика. Домашниот состав беше целосно рамноправен во поголемиот дел од натпреварот, а по три одиграни четвртини резултатот беше израмнет 70-70. Сепак, во завршниот период следуваше пад во играта на Маџари.

Во последните десет минути домаќините реализираа само 13 поени, наспроти 29 на Пелистер, што битолчани максимално го искористија и стигнаа до победа со висока разлика. Најефикасен во редовите на Пелистер беше Стајиќ со 26 поени, Малешевиќ додаде 24, а Џенкинс заврши со 20 поени. Кај Маџари се истакна Хот со 28 поени.

По одиграни 14 кола, Пелистер се наоѓа на третото место на табелата, зад МЗТ Скопје и ТФТ, додека Маџари ја држи шестата позиција.

Нови порази за Работнички и Куманово, шампионот сигурен