Пеколен ритам за кошаркарите, за шест дена ќе играат четири натпревари во квалификациите за ЕП 2022
Кошаркарската репрезентација на Македонија ја очекуваат пеколку шест дена во „меурот“ во Перм идниот февруари кога ќе се играат последните натпревари од квалификациите за пласман на Европското првенство 2022 година.
Имено, избраниците на селекторот Александар Тодоров во рок од шест дена ќе мора да одиграат четири натпревари.
Првиот натпревар во „меурот“ во Перм кошаркарите ќе го имаат на 18. февруари идната година против селекцијата на Италија. Наредниот ден, на 19. февруари, Македонија ја чека дуелот со организаторот на вториот „меур“, селекцијата на Русија.
На 21. февруари, следува вториот меч против соодветната селекција на Италија, додека можеби и најважниот натпревар за нашиот национален тим е закажан за за 22. февруари, откако претходно својот натпревар ќе го одиграат репрезентациите на Естонија и на Русија.
Кошаркарската репрезентација на Македонија не ги одигра двата натпревари во ноемвриските квалификации кои се играа во Талин, Естонија, бидејќи во нашиот табор имаше позитивни на коронавирус.
Распоред на натпревари на „меурот“ во Перм
18. февруари
Италија – Македонија
19. февруари
Италија – Естонија
Македонија – Русија
21. февруари
Македонија – Италија
Русија – Естонија
22. февруари
Естонија – Македонија