Денеска, 20 октомври, својот роденден го прославува Сара Костадиновска, позната како Сара Мејс. Родена во Скопје во 1990 година, таа е една од највпечатливите македонски уметници, поп пејачка, харфистка и кант-автор, позната по својот уникатен музички стил кој ги спојува поп, етно и класичните елементи.

Сара уште од најмала возраст го насочила својот живот кон музиката. По завршувањето на основното образование, таа се запишала во Средното музичко училиште во Скопје, а своето образование го продолжила на „New Bulgarian University“, каде што дополнително го усовршувала своето мајсторство на харфа.

Како професионална харфистка, Сара е дел од Македонската опера и балет.

Нејзиниот талент бил препознаен уште кога била мала. Сара е позната по своите иновативни аранжмани и способноста да ги поврзе различните музички жанрови. Еден од најзначајните моменти во нејзината кариера било учеството во онлајн концертот по повод Светскиот ден на харфата, каде што настапила заедно со врвни харфисти од целиот свет. За таа пригода, Сара компонирала дело инспирирано од македонската народна песна „Се посврши сербез Донка“, кое го насловила „Donka of Macedonia“.

Сара Мејс е во брак со познатиот македонски телевизиски водител Димитар Атанасовски, од кој имаат две деца.