На Петтиот партиски конгрес, крилото на Алијансата за Албанците предводено од Зијадин Села официјално го промени своето име во Албанска лига. Прогласувајќи го почетокот на нова политичка ера, Села им порача на партиските активисти дека претстои период на интензивна теренска работа и формирање нови подограноци.

„Денес не завршува, денес почнува сè“, рече Села.

Тој истакна дека нема да останат пасивни и повлечени пред, како што рече, обидите за нарушување на правата, туку дека ќе одговорат со политичка активност и ангажман. Притоа, повторно ги нагласи своите ставови за актуелните политички теми во земјата, како и за можноста за влез во Владата.

Воедно, зборувајќи за Алијансата за Албанците под нивно раководство, Илире Даути рече дека таа секогаш ги отстранувала пречките и тешкотиите од патот на Албанците. Таа истакна дека на оваа политичка насока ќе ѝ претстои и ќе ја предводи Зијадин Села.

„Политиката ја движат два типа на луѓе: оние кои бараат бенефит за себе и оние кои се жртвуваат и си ги повредуваат сопствените раце за да ги отстранат пречките од патот на идните генерации“, истакна Даути, алудирајќи на нивната политичка кауза.

Сагата за Алијанса за Албанците продолжува: Таравари сега е легитимен лидер, Села најави тужба