Партијата на Македонците во Србија бара да се отповика абасадорот на Македонија во Обединетите нации, Љубомир Фрчкоски бидејќи за резолуцијата за Сребреница не се консултирал со претседателката Гордана Сиљановска-Давкова.

„Како најголема организација на Македонци во дијаспората, која е судски регистрирана во Србија со 21 градски одбор и со 4.850 членови, бараме веднаш да се отповика амбасадорот во ООН, бидејќи гласал без консултации со претседателката на државата, загрозувајќи ги државните и национални интереси. Бараме да му се одземе агреманот што го дава претседателот на државата и да се отповика од местото амбасадор во ООН“, наведува Партијата на Македонците во Србија.

Во барањето се наведува дека наскоро се очекува гласање во Советот на Европа и се укажува Собранието на Македонија да разгледа и испита кој и како ќе гласа, со цел, како што се нагласува, да не се спроведувааат лични ставови кои не се ги одразуваат и не се во согласност со ставот на македонското Собрание.

Македонија во Обединетите нации гласаше за усвојување на резолуцијата за Сребреница. Македонија на иницијатива на министерот во заминување Бујар Османи, е еден од коспонзорите на резолуцијата. Пред две и пол недели Партијата на Македонците во Србија побара од претседателката на Македонија да ја преиначи одлуката на Османи за Сребреница.