Обвинетиот Влатко Кешишев рече дека изјавата која ја предаде до судот во која тврди дека Палчо не бил на местото на убиството му ја дал првообвинетиот Љупчо Палевски Палчо.

– Ми беше дадено ливче да го препишам со мој ракопис и да го дадам до судот. Ја дадов од страв – рече Кешишев.

Палчо му ја дал за време на транспортот од затвор.

Минатата недела, Кешишев кој според обвинението ги откри местата на коишто се закопани жртвите достави изјава до судот со која го менува тврдењето дека првообвинетиот Љупчо Палевски – Палчо пукал кон жртвите.

Оваа изјава Кешишев ја достави до судијата кој го води случајот, Ивица Стефановски, а тој ја достави оваа изјава до странките во постапката.

Тој во неговата изјава тврди дека дента на 22 и 27 ноември кога беа убиени Вања и Панче, Палчо не бил со нив, туку спиел во штабот на спрат во неговата соба.

Кешишев со нова изјава до судот го „амнестира“ Палчо, нo не кажува кој пукал