Пратеникот на ВМРО-ДПМНЕ, Антонио Милошоски на својот Фејсбук профил објави дека за време на викендот паднал таван во градинката „Мајски цвет“ во Тафталиџе 2.

„Среќа во несреќа е што во градинката „Мајски цвет“ (Карпош, Тафталиџе 2) таванот паднал за викендов, кога немало дечиња, и нема повредени, ниту жртви. Но, одговорност за ваквата ризична градба, за фушерајот за објект кој згрижува мали деца и за тендерот треба да има“, напиша Антонио Милошоски на Фејсбук.

Милошоски потсети дека имало дури пет активности при увидот во градбата и отворањето на оваа градинка.

Градоначалникот на Општина Карпош, Стевчо Јакимовски денеска ќе оди на увид во градинката.

Во текот на денот се очекува да биде објавено соопштение со објаснување за причините поради што паднал таванот.

Покривот на градинката „Мајски цвет“ попуштил од дождот, олуците не биле исчистени