Ѕвездата на Феникс Санс, Девин Букер, официјално стави потпис на нов договор со клубот, со што ќе остане дел од екипата најмалку уште две сезони, објавија сите релевантни спортски медиуми во САД.

Она што привлекува најголемо внимание е финансискиот аспект, договорот вреди неверојатни 150 милиони долари, што значи дека Букер ќе заработува по 75 милиони долари годишно!

Со оваа бројка, бекот на Феникс постави нов рекорд во НБА, надминувајќи ја понудата што неодамна ја прифати Шеј Гилџес-Александер од Оклахома сити тандер, кој се согласи на годишна плата од 71,3 милиони долари.

Букер, кој во дресот на Санс игра од 2015 година, ќе продолжи да го предводи тимот и во наредниот период, а новиот договор ја потврдува неговата клучна улога во плановите на франшизата за иднината.

BREAKING: The Suns and star guard Devin Booker have agreed to a 2-year/$150 million extension through the 2030 season✍️

Booker will make $321 million over the next five seasons💰

(via Evan Sidery) pic.twitter.com/7zlsWX1mjd

— Basketball Forever (@bballforever_) July 7, 2025