Ова е нашата шанса, Австрија доаѓа без најдобриот играч
Алаба, како една од најголемите ѕвезди во редовите на репрезентацијата на Австрија и воедно член на Баерн Минхен го повреди бутниот мускул на дуелот со Словенците.
Алаба веднаш го напуштил тренинг кампот, а според најавите селекторот Франко Фода во Скопје ќе може да смета на 22 фудбалери.
Oh no! David #Alaba fällt aufgrund einer Muskelverletzung für das Spiel gegen Nordmazedonien aus. Gute Besserung! #MKDAUT https://t.co/hfGZLvhOtW
— ÖFB – oefb.at (@oefb1904) June 8, 2019
После минималниот пораз од Полска (0:1), фудбалерите на Игор Ангеловски ќе се обидат да го поправат впечатокот в понеделник од 20.45 часот на Националната арена „Тодор Проески“. И ние ќе бидеме ослабени во одбраната, Висар Муслиу нема право на настап поради црвениот картон во петокот.
Исто како против Полска, цената на билетите за утрешниот меч е 150 денари. Билети можат да се купат преку продажната мрежа на MKTıckets, на посебен пулт на ФФМ во Скопје Сит Мол (пред влезот на кафулето Плеј), како и на благајната на Националната арена.