Капитенот на француската репрезентација Килијан Мбапе повторно им даде повод на англиските медиуми да го наречат „диктатор“, откако на судијата Мајкл Оливер му кажа кому да му ја предаде капитенската лента за време на убедливата победа над Норвешка.

Иако не се запиша меѓу стрелците и така не го зголеми својот учинок од четири гола на турнирот, Мбапе асистираше за два гола пред да го напушти теренот во второто полувреме. Сепак, еден момент особено го привлече вниманието.

Кога во 87. минута Жан-Филип Матета требаше да влезе во игра на негово место, Мбапе, според новите правила, имаше десет секунди да го напушти теренот за да се избегне одолговлекување на играта.

Наместо да побрза, Мбапе му пријде на судијата Оливер со капитенската лента во раката, му ја предаде и со гестикулација покажа кон Орелиен Чуамени, ставајќи му до знаење на арбитерот кој е следниот капитен. Потоа мирно се упати кон аут-линијата и го напушти теренот.

 

View this post on Instagram

 

A post shared by Seasia Goal (@seasiagoal)

Од каде потекнува прекарот

Прекарот „Диктатор“ е интернет-меме што на социјалните мрежи го прикажува Килијан Мбапе како личност која има влијание врз сè околу себе – од тренерите и соиграчите до трансферите и клупските одлуки.

Оваа шега произлегува од уверувањето на дел од навивачите дека Мбапе со текот на кариерата стекнал големо влијание, и на клупско и на репрезентативно ниво.

Mbappe dictator memes taking over the Internet, here are some of the best that’ll make your day.

A Thread 😂🤍 pic.twitter.com/joO0SXW33a

— Spectra (@lospectra_) April 7, 2026

Мемето првпат стана популарно за време на неговиот престој во Пари Сен Жермен, кога многу критичари тврдеа дека клубот му дал преголема моќ и влијание. Подоцна приказната ја презедоа медиумите, а по неговиот трансфер во Реал Мадрид и низата вирални објави на социјалните мрежи, во кои беше прикажан како историски владетел или воен командант, прекарот стана познат ширум светот.

Фудбалерите што го напуштаат клубот, тренерите кои добиваат отказ или соиграчите што ќе направат грешка, во овие видеа се прикажани како жртви на „наредбите“ на „диктаторот“ Мбапе.

ВИДЕО | Дембеле на Норвешка за половина час ѝ даде три речиси идентични гола