Иран утрово не успеа да победи на натпреварот против Египет од Светското првенство, со што заврши на третата позиција од групата Г, а можеби нема ни да се најде ниту меѓу најдобрите третопласирани селекции, откако постигнатиот, а потоа поништен гол за победа во клучниот натпревар со Египет дигна голема прашина.

Од час во час растат критиките кон луѓето во ВАР-собата, чија интервенција ги остави Иранците да „лебдат во воздух“ и да чекаат туѓи резултати, а една од најострите реакции ја даде поранешниот фудбалер Златан Ибрахимовиќ.

„Токму поради ова луѓето сè повеќе ја губат довербата во ВАР. Ни беше кажано дека е воведен за да ги коригира очигледните грешки, а наместо тоа создава уште поголеми контроверзии на најголемата фудбалска сцена. Ова е едноставно неприфатливо.

Ја прегледав снимката безброј пати и сè уште не ми е јасно како некој можел да досуди офсајд. Ако веќе поништувате погодок кој може да одлучи судбина на една нација на Светското првенство, мора да бидете 100% сигурни, а не да погодувате зад монитор“, изјави Швеѓанецот.

Тажната ситуација и разочарувањето на Иранците е огромно, и тие можат да се надеваат само ако сепак се пласираат во нокаут-фазата.

„Милиони Иранци славеа историски момент, за потоа група службени лица да им го одземат за неколку секунди. Не го поништивте само голот – му украдовте сон на еден народ. Не можете да се криете зад технологијата кога таа се користи погрешно. Ова не е правда, ова е неспособност. Светското првенство се игра еднаш на четири години.

Играчите жртвуваат сè за да стигнат овде, навивачите доаѓаат од целиот свет, а потоа една шокантна одлука уништува месеци работа. Тоа е непростливо. Ако ова е стандардот на судење на најважниот фудбалски турнир во светот, тогаш нешто сериозно не е во ред. Фудбалот заслужува подобро, играчите заслужуваат подобро, а пред сè навивачите заслужуваат многу повеќе“, заклучи Ибрахимовиќ.

Zlatan Ibrahimović on the VAR decision that denied Iran a last-minute winner against Egypt:

🗣️ “This is exactly why people are losing faith in VAR. We’re told it’s here to eliminate clear mistakes, yet somehow it keeps creating even bigger controversies on football’s biggest… pic.twitter.com/0ZyU3rQRZV

— ᜰ 🇦🇷🇯🇵 (@markklfc) June 27, 2026