Нови училници ќе добие основното училиште „Панајот Гиновски“, со што ќе се овозможат услови наместо настава во две смени, учениците да имаат едносменска настава.

Општина Бутел денеска потпиша договор за доградба на училиштето со Министерството за образование, со чија помош ќе се реализира оваа изградба во рамките на Проектот за унапредување на основното образование.

Доградба ќе се протега 400 м2, ќе има нови 4 училници, 2 санитарни јазли, ходник и топла врска со постоечкиот објект. Ова е уште една голема инвестиција во населеното место Бутел 2. Предходно по 56  години ја реконструиравме и фасадата на ова училиште, а наскоро ќе се реконструира и училишната спортска сала, информира градоначалникот Дарко Костовски..

Тој додаде дека во завршна фаза е и изградбата на новата детска градинка во оваа населба.