Американскиот претседател Доналд Трамп предупреди дека вторник „ќе биде Ден на електраните и Ден на мостовите“ во тековната американско-израелска војна против Иран, додавајќи дека Техеран мора да го отвори Ормутскиот теснец, во спротивно „ќе живеете во пекол“.

„Вторник ќе биде Ден на електраните и Ден на мостовите, сѐ во едно, во Иран. Нема да има ништо слично!!! Отворете го ебениот теснец, вие луди копилиња, или ќе живеете во пекол — САМО ГЛЕДАЈТЕ! Слава му на Алах. Претседател ДОНАЛД Џ. ТРАМП,“ напиша тој, во својот својствен стил, на мрежата „Трут сошал“.

Трамп, во изминатите недели вршеше притисок врз европските сојузници да се приклучат кон напорите за обезбедување на пловидбата низ Ормускиот Теснец, но дел од сојузниците јавно покажаа отпор кон американскиот пристап.

Во меѓувреме, Трамп повеќепати тврдеше дека има дипломатски контакти и можност за договор со Техеран, но од Иран стигнуваат спротивни или резервирани пораки, вклучително и негирања дека се водат директни разговори за примирје.