Новата документарна серија на Нетфликс открива детали од животот на Халк Хоган, кој почина во јули минатата година, а меѓу другото сподели дека по разводот од Линда Хоган, секојдневно земал опасни количини фентанил за ублажување на болката, пишува „Ролинг стоун“.

Поранешната ѕвезда на борење отворено зборуваше за степенот на неговата зависност од фентанил во „Халк Хоган: Вистински Американец“, што е неговото последно интервју пред неговата ненадејна смрт од срцев удар во јули 2025 година.

Тој опиша дека во тој период бил под договор со организацијата ТНА (Total Nonstop Wrestling), односно по разводот од сопругата Линда Хоган во 2009 година. Хоган изјави дека сè ѝ оставил на Линда во постапката за развод и дека му бил потребен нов ангажман поради финансиски причини.

Сепак, кратко по потпишувањето на договорот, нему и на раководителите на ТНА им станало јасно дека физички не е во можност да настапи на нивото за кое било договорено. Поради силна болка, тој се свртел кон фентанил како начин за контрола на хроничните здравствени проблеми.

– Пиев 80 милиграми фентанил, два наутро, ги туркав под непцата… Имав два фластери со фентанил од 300 мг на нозете и ми дадоа шест лижавчиња со фентанил од 1500 мг за јадење – раскажал Хоган во емисијата.

Тој додаде дека фармацевтот бил шокиран од количината на лекот што го користел.

– Отидов во аптека и тој рече: „Треба да си мртов. Никогаш не сме виделе човечко суштество да зема толку многу фентанил.“ – раскажал Халк.

Тој, исто така, опиша колку интензивна станала болката, па спиел на стол бидејќи му било премногу тешко да легне.

Последното појавување во рингот беше во 2012 година, а ја напушти TNA во 2013 година кога му истече договорот.

Ќерката на Халк Хоган објасни зошто била изоставена од тестаментот на нејзиниот татко: „Не ме изненади“