Откако и двајцата им раскинаа на партнерите, Лејди Гага и Бредли Купер сега очекуваат бебе?! (ФОТО)
Странските медиуми со месеци наназад зборуваат за тоа дека 33 годишната пејачка Лејди Гага и 44 годишниот Бредли Купер се во врска, а во прилог на ова тврдење секако говори и фактот дека и двајцата неодамна им раскинаа на своите партнери.
Но, зборувањата сега отидоа и чекор понатаму со оглед на фактот дека, како што пренесува „Cheatsheet.com“, пејачката е во блажена состојба.
Гласините за бременоста ги покрена насловната страна на таблоидот „In Touch“ на која тие двајца стојат гушнати, а незабележана не можеше да помине положбата на нивните раце. Имено, Бредли ја држи раката на нејзиниот стомак, а таа својата рака ја ставила преку неговата.
Да се потсетиме, тие двајца се зближија по снимањето на филмот „Ѕвездата е родена“ во кој и двајцата имаа главна улога.
Неколку месеци потоа пејачката ја прекина веридбата со Кристијан Карин, а Бредли со руската манекенка Ирина Шајк со која има едно дете.
