Осум запуштени јавни површини ќе станат зелени плоштади

Осум јавни површини во Скопје ќе се уредуваат како зелени скверови. Веќе десетина дена тече јавниот повик кој го објави Град Скопје за изработка на проектна документација за нивно уредување, односно се бараат архитектонски и инженерски услуги, услуги за просторно планирање и инженерски услуги за уредување на земјиштето, поврзани научни и технички советодавни услуги, услуги за технички испитувања и анализа. 

Станува збор за просторот спроти „Рамстор“ на булевар „Јане Сандански“, до автобуска постројка, како и површината до слаткарница Палма каде што е планиран „Парк со летниковец“ , во Општина Аеродром. Проектна документација се бара и за зелен простор кај Мартиновски под Кале, за потегот покрај булевар „Кузман Јосифовски – Питу“, од Народна банка до мостот „Мајка Тереза“ на реката Вардар, а паркови се предвидени и пред амбулантата „Млин Балкан“ и на Архитектонскиот факултет. Ќе се уредува и зеленилото на аголот помеѓу булеварот „Илинден“ и улицата „Никола Тесла“ и просторот кај Пожарна во Карпош.

Прочитајте и...  Три лица загинаа при експлозија на плинска боца во Романовце

Сите заинтересирани граѓани, кои ги исполнуваат зададените критериуми за учество во тендерската постапка, имаат уште три дена да поднесат предлог понуда, до четврток 22 август, кога ќе се одржи јавно отворање на понудите во просториите на Град Скопје.

Решенијата што ќе бидат понудени на повикот треба да ги отсликаат претходно подготвените концепти, кои тимот на „Скопје лаб“ ги изработи врз база на спроведеното етнографско истражување со граѓаните на Скопје.

Тимот на Центарот за иновации „Скопје лаб“ во изминатиот период работеше на иницијативата за редизајнирање на зелени јавни површини и паркови преку која градот Скопје ќе уреди зелени површини кои досега не беа доволно искористени, а за да обезбеди подобар јавен простор за релаксација, одмор и дружење за граѓаните, а воедно и да помогне во разубавување на градот.

Прочитајте и...  Откажан карневалот во Венеција поради ширење на коронавирусот

На површините се предвидени клупи, чешми, цвеќиња, осветлување и разновидни креативни простори, дел од нив наменети и за децата.

Во оваа прва фаза ќе се уредуваат осум јавни зелени површини,  но од Градот се надеваат дека иницијативата ќе продолжи и понатаму со оглед на заинтересираноста на граѓаните, како и на останатите јавни, приватни и граѓански организации да помогнат во уредување на ваквите површини.

Иако Центарот за иновации подготви само шест предлог концепти, кои беа изработени врз основа на добиените одговори во процесот на теренско и онлајн истражување кое се спроведе во периодот август – септември 2018 година,  поради тоа, како што објаснуваат од „Скопје лаб“ што се обезбедени дополнителни средства, повикот се прошири на осум јавни зелени површини.

Прочитајте и...  Германски градови ги откажуваат карневалите поради невреме

Интересно е што во јавниот оглас не е наведена проценетата вредност, односно не е прецизирано колку пари е подготвен да потроши Градот за оваа намена. Критериум според кој ќе биде доделен договорот, како што стои во огласот ќе биде – најдобар однос меѓу цена и квалитет.

Прочитај повеќе

Трамп: Гренел ќе остане задолжен за дијалогот меѓу Белград и Приштина бидејќи е многу добар во таа работа

Слободен печат

Албанската опозиција го поддржува протестот на Мета

Слободен печат

Убиен лидерот на Ал Каеда во Јемен

Слободен печат

Уапсени се двајца скопјани при заплена на 12 килограми хероин на влез во Црна Гора (ФОТО)

Слободен печат

Мета: Одбраната на Уставниот суд е црвена линија на секој чесен и одговорен Албанец

Слободен печат

Израел убиле Палестинец, по што следела одмазда од 20 ракети

Слободен печат

Остави Коментар

20 + 3 =

Прочитај повеќе

Стапува во сила забраната за увоз и извоз на отпад за согорување меѓу Северна македонија и Бугарија

Слободен печат

СЗС: Вучиќ повторно го потврди неуспехот на својата политика на Косово

Слободен печат

Што претставува „плус, плус“ планот на Ахтисари?

Слободен печат

Спасовски изрази сочувство до семејството на загинатите деца во Романовце

Слободен печат

Асанж и претставници на американската Влада утре ќе се соочат во лондонскиот суд

Слободен печат