Младата актерка Џена Ортега (20) се огласи во врска со гласините дека се забавува со легендарниот Џони Деп (60).

Популарната веб-страница „Ди муа“ објави дека ѕвездата на серијата „Wednesday“ и актерот, наводно, биле видени на романтичен состанок.

Сепак, актерката брзо и одлучно ги демантираше шпекулациите нарекувајќи ги „глупави“.

Во сторија на Инстаграм, која оттогаш истекла и веќе не е достапна за гледање, Ортега напиша: „Ова е толку глупаво што не можам ни да се смеам“.

„Никогаш во животот не сум го запознала, ниту сум работела со Џони Деп. Ве молиме престанете да ширите лаги и оставете нѐ на мира“, заклучила актерката, а пренесе „NME“.