Осомничен за убиството на претседателот на Хаити уапсен во Турција
Турските власти уапсија човек кој се смета за осомничен за јулскиот атентат на претседателот на Хаити, Џионел Моиз, изјави доцна синоќа министерот за надворешни работи на Хаити, Клод Џозеф, пренесува НДТВ.
Моиз, 53-годишниот претседател на Хаити, кој ја презеде функцијата во 2017 година, беше убиен во јули со огнено оружје во неговата приватна резиденција, а неговата сопруга беше ранета во тој напад.
Група колумбиски платеници се сметаат за главни осомничени, иако никој не е обвинет или осуден во врска со овој атентат.
„Само што разговарав по телефон со турскиот министер, мојот пријател Мевлут Чавушоглу, и се заблагодарив на Турција за апсењето на Самир Хандал, еден од групата важни осомничени во истрагата за атентатот на претседателот Моиз“, министерот за надворешни работи на Хаити, Клод Џозеф. изјави на Твитер.
Je viens d’avoir une conversation téléphonique avec le chancelier turc, mon ami @MevlutCavusoglu, pour remercier la Turquie pour l’arrestation de Samir Handal, l’une des personnes de grand intérêt dans l’enquête sur l’assassinat du président @moisejovenel. pic.twitter.com/jkuDnvcIHP
— Claude Joseph (@claudejoseph03) November 15, 2021
Турските медиуми денеска јавија дека Хандал, по кого е распишана црвена потерница од Интерпол, е уапсен при транзитот на аеродромот во Истанбул на пат од САД кон Јордан.