Орландо Меџик и Њујорк Никс се првите два тима кои обезбедија место во полуфиналето на НБА Купот.

Орландо, и покрај тоа што настапи без повредениот Франц Вагнер, приреди големо изненадување и го елиминираше Мајами со 117–108. Херој на мечот беше Дезмонд Бејн со блескави 37 поени, додека Џејлен Сагс додаде 20, а Паоло Банкеро по враќањето од повреда реализираше 18 поени. Кај Мајами најрасположени беа Тајлер Хиро со 20 поени, како и Бем Адебајо и Ендрју Вигинс со по 19.

Пласман во полуфиналето обезбеди и Њујорк. Никс целосно го контролираа дуелот со Торонто и славеа со 117–101. Џејлен Брансон повторно ја презеде лидерската улога со 35 поени, а Џош Харт придонесе со 21. Кај Торонто се истакна Брендон Инграм со 31 поен.

Во полуфиналето, Орландо ќе игра против Њујорк, додека вториот полуфинален пар ќе биде познат по денешните пресметки Оклахома – Феникс и ЛА Лејкерс – Сан Антонио.

Преземено: Sport.com.mk