Директорот на Македонскиот културно-информативен центар во Тирана, Златко Ориѓански, се огласи со објава на Фејсбук во која упати остри зборови, алудирајќи на вчерашниот договор за формирање ново парламентарно мнозинство, кој го објави лидерот на ВМРО-ДПМНЕ Христијан Мицкоски.

Ние не смееме да се предадеме, до последниот човек, до последната мисла, до последниот здив не смееме да се предадеме на оние дебили седнати таму на масата. Ние тоа не сме. Ние сме океан од лепота, модерност, нежност, доброта и возвишеност“, напиша Ориѓански во објавата, која подоцна ја избриша од својот фејсбук-профил.

Претходно, алудирајќи на премиерот во заминување Зоран Заев, Ориѓански напиша:

„Човекот имаше прекрасни намери, ама за жал, некаше со кого да ги оствари. Ќе талкате уште многу години како глуви кучиња, жедни во пустина, загубени, алчни, љубоморни и пакоси, сонувајќи бистра вода и нови светови“.