Од Општина Центар информираат дека денеска започна акцијата за собирање кабаст отпад која ќе трае до недела, 20 април. Во оваа екоакција, жителите ќе можат да се ослободат од непотребниот кабаст отпад на неколку локации во Дебар Маало, Буњаковец, Пролет и Водно.

Местата каде центарци ќе можат да го оставаат кабастиот отпад се следните:

Дебар Маало – на улица „Наум Наумовски Борче“, поточно кај Партизан и на улица „Алберт Ајнштајн“ кај Културен Центар – Јадро.

Буњаковец – на улица „Киро Крстевски Платник“ – кај кривината со улица „Рајко Жинзифов“ и на аголот кај улиците „Борка Талевски“ и „Костурски херои“.

Пролет на булеварот „Крушевска Република“ наспроти Веро Џамбо.

Водно – на улицата „Питу Гули“ кај кошаркарското игралиште.