Сега Нетси можеби се одвојуваат како број еден за шампионскиот прстен во најсилната кошаркарска лига на светот.

Менаџерот на Ламаркус Олдриџ (кој беше слободен агент) потврди дека седумкратниот „Ол-стар“ центар ќе игра за Бруклин Нетс, пренесува Адријан Војнаровски од „ЕСПН“.

Ламаркус помина шест години со Спарси, а сега одлучи да им се придружи на Џејмс Харден, Кајри Ирвинг, Кевин Дурент и Блејк Грифин.

Крилниот центар оваа сезона одигра само 21 натпревар во дресот на Сан Антонио, пропушти многу мечеви поради повреди. Тој имаше просек од 13,7 поени, 4,5 скока и 1,7 асистенции по меч.

Моментно Бруклин е на второто место во Источната конференција со учинок од 31 победа во 46 одиграни средби, подобар скор има моментно само Филаделфија со триумф повеќе од исто толку дуели.