Поради одбележувањето на верскиот празник Задушница, утре од 06:00 часот во Скопје ќе биде воведен посебен режим на сообраќај, информира Министерството за внатрешни работи (МВР).

Кон градските гробишта „Бутел“ сообраќајот ќе се одвива кружно и во една насока. Возилата ќе се движат по улица „Бутелска“, потоа лево по „Александар Урдаревски“, лево по „Боца Иванова“ и десно до влезот на гробиштата.

За излез од гробиштата, возилата ќе се движат десно по „Боца Иванова“ до кружниот тек на „Бутелска“, потоа лево по „Бутелска“ и десно по улица „Кемал Сејфула“.

Посебен режим ќе биде воведен и во околината на гробиштата Камник, Драчево и Ѓорче Петров, каде се очекува зголемена фреквенција на возила и граѓани.

Од МВР апелираат граѓаните строго да ги почитуваат насоките и наредбите на полициските службеници со цел безбедно и непречено одвивање на сообраќајот.