Денеска голманот на ракометниот клуб Охрид и воедно репрезентативец на Македонија Никола Даниловски (26) се удавил под неразјаснети околности.

Голманот исчезнал околу 09.00 часот после тренингот на неговата екипа, а во текот на утринските часови во водите на Охридското езеро било пронајдено неговото безживотно тело.

Како што информиаат од охридската полиција немало траги од насилство. Се водел како исчезнат од синоќа, а по него интензивно трагале полицијата, соиграчите и блиските пријатели.

Поради трагичната смрт на овој голман, одложен е вечерашниот натпревар од Суперлигата помеѓу Охрид и Струга. Претходно настапуваше уште за екипите на Металург и Е. Пелистер.

Овој чувар на мрежата ги помина сите младински репрезентативни категории, воедно се наоѓаше на поширокиот список на репрезентативци на сениорската репрезентација кај Данило Брестовац и Кирил Лазаров.

Фото: javisejuzna.mk