Новопоставениот „политички координатор“ во огранокот на ДУИ во Сарај, Рафис Алити, вели дека не претендира да го преземе огранокот, туку да ги обедини политичките активисти и да ги надмине несогласувањата.

Лидерот на ДУИ Али Ахмети минатата недела го постави Алити за координатор во Сарај, извлекувајќи го политичарот-ветеран од пензија. Сарај е традиционалниот „терем“ на актуелниот градоначалник на општината Блерим Беџети, кој е еден од најистакнатите членови на „огнената група“.

Според Алити, Огнената група не е искрена во своите причини против извршната власт. Пристапот на веќе декларираната фракција тој го оценува како погрешен, бидејќи според него, забелешките треба да се даваат во партијата, а не јавно. Алити зборуваше и за статусот на поранешните борци на ОВК во емисијата Патот Кон…, која се емитува вечерва во 22:20 часот на Алсат.

„Немам амбиција да бидам ниту шеф на огранок, ниту на која било друга функција, напротив, ова го правам затоа што јас и претседателот Ахмети чувствуваме обврска кон електоратот на ДУИ во Сарај кој не поддржува 20 години и ДУИ во Сарај секогаш била победник. Огнената група не е незадоволна затоа што не се работи, оваа група беше против поставување на овие лица кои денес се министри на ДУИ. Тие и пред да се формира Владата го искажуваа своето незадоволство, но на крајот сепак гласаа за Владата“, вели Алити.