Еден ден по убедливата победа над Младост Лучани со 4-0, Црвена Звезда официјално го потврди заминувањето на Владан Милојевиќ.

Српските медиуми претходно најавуваа дека натпреварот против Младост ќе биде негов последен, а според информациите, негов наследник на клупата ќе биде Дејан Станковиќ.

„Црвена Звезда ја информира јавноста дека со спогодбен договор е раскинат договорот со Владан Милојевиќ, кој од денес веќе нема да ја извршува функцијата шеф на стручниот штаб“, се наведува во соопштението на клубот.

Очекувањата се дека Станковиќ ќе биде промовиран како нов предводник на српскиот шампион веќе утре.