Македонската кошарка доби ново предводник – Томица Главчев и официјално е новиот претседател на Кошаркарската федерација на Македонија (КФСМ), откако денеска едногласно ја доби поддршката од сите 38 делегати присутни на Вонредното Собрание.

Собранието беше свикано откако поранешниот претседател Перо Антиќ не распиша седница во законски предвидениот рок, по иницијативата за негова смена поднесена од повеќе клубови. Тие денеска и формално му изгласаа недоверба на Антиќ, ставајќи крај на неговиот шестгодишен мандат на чело на федерацијата.

Главчев, кој беше единствениот кандидат за функцијата, доби безрезервна поддршка и веднаш го започнува својот четиригодишен мандат како прв човек на мак-баскетот.

Познат како долгогодишен инвеститор и поддржувач на македонската кошарка, Главчев има богато искуство како спонзор и финансиер на повеќе клубови. Тој долги години беше главен покровител на Кожув, му помогна на МЗТ Скопје во првите чекори во АБА-лигата, а стоеше и зад успешниот проект Блокотехна, клуб кој стигна до титулата во БИБЛ-лигата. Освен тоа, финансиски го поддржуваше и српскиот гигант Партизан Белград.

Новото раководство ќе има задача да ја врати стабилноста и довербата во кошаркарската организација и да ги насочи напорите кон развој на домашниот спорт. Главчев денес претходно имаше средба и со Антиќ кој му ја даде својата поддршка.

Кошарката во Македонија денеска добива нов предводник, Главчев ќе го наследи Антиќ