Официјално: Одбојкарите се помеѓу најдобрите 16 во Европа!
Aко претходно имаше некакви дилеми сега нема никакви, Македонија дефинтивно е осминафиналист на Европското првенство во одбојка.
Ова стана јасно откако Чешка ја оправда фаворитската улога и ја победи Црна Гора со 3:0 во сетови и тоа и одеше во прилог на Македонија.
Од самиот старт Чешка најави дека оди по победата и доминираше во првиот сет кој го освои со 25:18. Во вториот сет Црногорците дадоа нешто поглем отпор, меѓутоа во финишот од сетот Чешка повторно го подигна нивото и со 25:20 поведе со 2:0.
По тој сет Црна Гора како повеќе да немаше мотивација па Чешка третиот го заврши со 25:15.
Во групата нашиот утрешен противник Холандија има девет бода, Македонија и Чешка по шест, Црна Гора три, Данска нема бодови. Ќе потсетиме, првите четири репрезентации одат во осминафиналето кое ние го обезбедивме, но во мечевите со Холандија и Чешка ќе се обидеме со позитивен резултат да ја избегнеме Италија во нокаут фазата.
ФОТОГАЛЕРИЈА | Македонија вкуси како е да се игра против светска велесила во одбојката
ФОТОГАЛЕРИЈА | Македонските и полските навивачи за прекрасна атмосфера во СЦ „Борис Трајковски“
