Одржан првиот состанок на меѓународната група на експерти меѓу Северна Македонија и Грција - Слободен печат
ВестиМакедонија

Одржан првиот состанок на меѓународната група на експерти меѓу Северна Македонија и Грција

Ко-претседавачите на двете земји се согласиле следната средба да се одржи во Атина, на датум кој претходно ќе биде усогласен, а по можност да се одржи во првата недела од ноември 2019 година.

Меѓународната група на експерти меѓу Република Северна Македонија и Република Грција денеска во Скопје го одржа првиот состанок и ги охрабрува бизнис заедниците на двете земји да го започнат својот дијалог во духот на Преспанскиот договор.

Експертската грпа, под раководство на шефот на делегацијата на нашата земја, проф. Ѓорѓи Филипов и на шефот на делегацијата на Грција , проф. Фотини Папартис, во рамки на состанокот размениле мислења и разговарале за Деловникот за работа на Меѓународната експертска група, имајќи ги предвид заклучоците од претходните состаноци што се одржаа во Солун.

Ко-претседавачите на двете земји, се наведува во соопштението од МНР, се согласиле следната средба да се одржи во Атина, на датум кој претходно ќе биде усогласен, а по можност да се одржи во првата недела од ноември 2019 година.

Меѓународната група на експерти е основана согласно член 1, став 3ж, од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената Спогодба од 1995 година и за воспоставување на стратешко партнерство меѓу страните, направена во Преспа на 17 јуни 2018 година.

Меѓународната експертска група, се вели во соопштението, ги охрабрува бизнис заедниците на двете земји да го започнат својот дијалог во духот на Преспанскиот договор.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close