Одом со лажен пенис до Олимписки игри - Слободен печат
КошаркаСпорт

Одом со лажен пенис до Олимписки игри

Ламар Одом на оригинален начин успеал да ги измами инспекторите од ВАДА на допинг тестото пред Олимписките Игри 2004 година.

Двократниот шампион во НБА лигата со ЛА лејкерс, Ламар Одом освен по кошаркарскиот талент е познат и по скандалите во приватниот живот. Тој е поранешен сопруг на риалити ѕвездата Клое Кардашијан, а поради проблемите со дрогата редовно беше во центарот на вниманието. Пред три години се предозира и за малку ќе починеше.

Одом откако го заврши лекувањето од зависности од дрога, почна да пишува книга за бурниот живот. Тој пишува како успеал да помине на допинг тестот во пресрет на Олимписките игри во Атина 2004 година, кога имаше 25 години.

– Среќата дека сум помеѓу 12 кошаркари за Олимписки игри набрзо се претвори во нервоза кога ме известија дека морам да одам на тест за дрога. Ме повикаа од Кошаркарската федерација на САД и ми кажаа дека од ВАДА (Светска антидопинг асоцијација) ќе дојдат во мојата куќа. Немаше шанси да поминам на тестот бидејќи пушев марихуана секој ден. Ме фати паника. Почнавме да „гугламе“ лажни пениси и да бараме начин како да го поминам тестот – ексклузивно објавува магазинот „Пипл“, дел од мемоарите на Одом.

„Откако го набавивме лажниот пенис, мојот личен тренер, ја стави својата урина и успеав да го „поминам“ допинг тестот“, зборува Одом.

Ламар Одом не успеа да се закити со златниот медал на ОИ во Атина, туку репрезентацијата на САД ја освои бронзата, додека дрим тимот мораше да се задоволи со третото место.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close