Одобрено проширување на НБА лигата, се враќа Сиетл, доаѓа и Лас Вегас
Едногласна одлука на сите 30 актуелни сопственици на НБА кошаркарски клубови даде зелено светло за преговори со заинтересирани инвеститори во Лас Вегас и Сиетл.
Препорачано
Легендарните зелени дресови на Сиетл суперсоникс повторно би можеле да ги видиме на терените низ НБА. Сопствениците на 30-те НБА клубови, кои го сочинуваат Одборот на гувернери на лигата, едногласно одлучија да започнат со разгледување на проширувањето на лигата за два тима и можноста за клубови за градовите Сиетл и Лас Вегас.
Суперсоникс се натпреваруваа во лигата од 1967 до 2008 година, пред клубот да се пресели во Оклахома сити и да го добие прекарот Тандер откако беше купена од група инвеститори од Оклахома во 2006 година.
Лас Вегас немаше НБА тим, но во последниве години овој град во државата Невада доби два тима во четири од најпопуларните американски спортови. Градот е дом на Лас Вегас рејдерс, кои играат во НФЛ, најдобрата лига во светот во американски фудбал, како и на Голден најтс, кои се натпреваруваат во НХЛ.
This starts the NBA's 32-team expansion process. Multiple high-ranking officials have termed expansion as "when, not if." Now the NBA will examine Seattle and Las Vegas bids over the next several months, and whether to execute the new franchise purchases now or in a few years. https://t.co/Rkd0fZ41c7
— Shams Charania (@ShamsCharania) March 25, 2026
Враќањето на НБА кошарката во најголемиот град во Орегон би им дало на тимовите од Сиетл можност за учество во сите четири најпопуларни американски спортови. Градот е дом на „Сихокс“, шампионот на НФЛ, и бејзбол клубот „Маринерс“, како и на НХЛ клубот, Сиетл кракен.
Оклахома Сити Тандер, актуелните шампиони на НБА, како законски наследници на „СуперСоникс“, формално ја држат титулата од 1979 година, која ја освои Сиетл, иако раководството на „Тандер“ одлучи да не закачи транспарент посветен на тој трофеј во салата, што е обичај во НБА. Доколку Сиетл се врати, наводно ќе му биде дозволено да го користи прекарот СуперСоникс и логото што го имаше пред да се пресели во Оклахома.
Иако Лас Вегас досега немаше тим во НБА, градот со години е домаќин на Летната лига, како и на Ол-стар викендите, а клубот „Ејс“ во Женската национална кошаркарска асоцијација (WNBA) исто така се натпреварува таму.
