Доколку одводот во кујната или бањата почне да ја спроведува водата забавено, најчестата причина е наталожена маснотија, остатоци од сапун или влакна.

Иако постојат бројни средства за чистење цевки, еден неочекувано ефикасен трик неодамна стана хит – а потребен ви е производ кој речиси секоја жена го има дома: кремa за депилација.

Кремата за депилација може изненадувачки успешно да реши полесни запушувања. Доволно е да нанесете поголема количина директно во одводот, да прелеете со врела вода и да оставите да делува околу 15 минути. Активните состојки во кремата ги разградуваат влакната во цевките, што овозможува запушувањето побрзо да се раствори и исчисти.

Сепак, овој метод не е секогаш доволен кај потешки блокади. Кога во одводот има поголем слој влакна или масни наслаги, подобро решение е класичната комбинација од сода бикарбона и бел оцет. Смесата се остава да делува преку ноќ, а следното утро се исплакнува со врела вода за да се отстранат преостанатите талози.

Редовното одржување на одводите и навремено чистење на влакната и наслагите може да спречи сериозни проблеми. Но, доколку дојде до запушување, овие едноставни и економични трикови – од депилаторна крема до мешавина од сода и оцет – можат брзо да го решат проблемот.