Одиграл само 40 минути, а продаден за 10 милиони фунти

EPA-EFE/OLAF KRAAK

Станува збор за Винсент Јансен кој од Тотенхем ја продолжува кариерата во Мексико, односно во Монтереј во трансфер вреден 10 милиони фунти.

Холандскиот интернационалец дојде во премиерлигашкиот клуб во 2016 година за 17 милиони фунти од АЗ Алкмар. Во првата сезона играше во 38 натпревари и постигна шест голови.

Потоа, имаше големи проблеми, во сезоната 2017/18 одигра само една минута, пред да биде позајмен во турскиот клуб Фенербахче.

После враќањето во екипата настапи уште само трипати, односно вкупно 40 минути во последните две сезони и не ги оправда очекувањата.

Но, Тотенхем успеа да го продаде за една добра сума од 10 милиони фунти и секако шанса за англискиот клуб да ангажира некое добро летно засилување за новата сезона.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот