Иако е повреден и не може да помогне на теренот, Мартин Одеґард покажа колку му значи репрезентацијата на Норвешка. Капитенот на Арсенал изразил огромна желба да биде покрај своите соиграчи за време на репрезентативниот собир, па дури и сам го платил авионот за да им се придружи.

Арсенал му дозволил да патува, а Одеґард веднаш се појавил во кампот на репрезентацијата, каде ги следел тренинзите и ручал заедно со тимот.

„Тој беше тука, ги гледаше тренинзите и ручаше со соиграчите. Мартин е дел од нас, тој е наш капитен и кога не игра,“ изјави селекторот Столе Солбакен.

Норвешка вечерва го игра квалификацискиот меч против Израел, а Одеґард ќе биде на трибините – како вистински лидер и поддршка на своите соиграчи.