Одбојкарите во драматичен натпревар поразени од Белгија
![](https://www.slobodenpecat.mk/wp-content/uploads/2024/05/Screenshot_6.jpg)
Oдбојкарската репрезентација на Македонија го претрпе и третиот пораз во четвртиот натпревар од Европската златна лига. Во драматичен натпревар избраниците на Хари Наковски беа поразени од Белгија.
Македонија одигра квалитетен натпревар и беше пред победа во Беверен, но на крајот домаќините дојдоа до победа во натпревар во пет сета: 25-22, 22-25, 25-17, 24-26 и 17-15.
Нашата репрезентација беше пред пораз кога Белгија имаше две меч топки на 24:22, но со серија од четири поени дојдовме до 24:26 во четвртиот сет. Во следниот сет Македонија водеше со 6:10 и 7:11, но тогаш дојде до неочекуван пад во нашата игра и Белгја направи пресврт во петиот сет и славеше во тај-брејкот со 17:15.
Вториот турнир во Европската златна лига, Македонија го заврши со победа против Азербејџан и пораз од Белгија.