Од наредната сезона албанските фудбалери во Италија ќе имаат статус на домашни
Првиот човек на Фудбалскиот сојуз на Албанија, Арманд Дука потврди дека фудбалерите од оваа земја од наредната сезона ќе имаат статус на домашни во сите лиги во Италија.
Одлуката доаѓа како резултат на неодамнешната посета на албанскиот премиер Еди Рама во Италија. Во јануари Рама се сретна со претседателот на Фудбалскиот сојзу на Италија, Габриеле Гравина и договорот стартува почнувајќи од сезоната 2024/2025.
„Донесена е историска одлука за албанските фудбалери и албанскиот фудбал. Фудбалскиот сојуз на Италија ја потврди одлуката и од сезоната 2024/2025 албанските фудбалери ќе имаат статус на домашни играчи. Ова ќе биде одлична можност за голем број наши фудбалери“, изјави Дука.
Во Серија А во овој момент играат 13 фудбалери од Албанија и голем дел од нив имаат важна улога во своите тимови. Ќе потсетиме, албанската репрезентација летово ја очекува и настапот на Европското првенство.