Државниот инспекторат на Република Хрватска ги информира потрошувачите дека субјектот за прехранбена дејност Лидл Хрватска, го повлекува производот варена пилешка шунка, употреблив до 10 ноември 2025 година, како мерка на претпазливост поради можна контаминација со бактеријата листерија моноцитогенес, објави Даница.хр. Производот не е усогласен со Регулативата на Комисијата (ЕЗ) бр. 2073/2005 од 15 ноември 2005 година за микробиолошки критериуми за прехранбени производи.

„Ги молиме сите клиенти кои ги поседуваат предметните производи да не ги консумираат. Производите може да се вратат на местото на купување, каде што клиентите ќе можат да добијат поврат на парите без да приложат сметка“, соопшти Лидл.