Човекот што ја зграпчи Аријана Гранде на азиската премиера на филмот „Злобница 2“ во Сингапур во четвртокот вечерта беше уапсен, ослободен и обвинет на суд, каде што сега се соочува со казна од 1.540 долари.

Според Би-би-си, Џонсон Вен е обвинет за нарушување на јавниот ред и мир во Сингапур откако беше снимен како го прескокнува обезбедувањето и брза кон Гранде на црвениот тепих. Нејзината колешка Синтија Ериво веднаш се обиде да ја заштити, а потоа други дојдоа да помогнат.

Доколку биде прогласен за виновен, Вен се соочува со казна до 2.000 сингапурски долари (1.540 американски долари). Локалните медиуми известуваат дека Вен има намера да се изјасни за виновен.

26-годишниот Австралијанец, кој е познат под прекарот Пиџама мен на Инстаграм, често ги објавува своите посети на разни настани во кои учествуваат познати личности. Претходно се појавувал на сцената на концерти на Кети Пери, Викнд, „Чеинсмокерс“ и други. Тој дури и влезе во финалето на 100 метри за мажи на Олимписките игри во Париз во 2024 година.

Во својата приказна на Инстаграм во четврток, Вен објави дека е „ослободен откако бил уапсен“. Нападот на Вен врз Гранде предизвика бура на социјалните мрежи, а неговата објава за сцената на црвениот тепих со наслов: „Драга Аријана Гранде, ти благодарам што ми дозволи да скокам на жолтиот тепих со тебе“ разбесни многумина.

„Како тоа не е во затвор?“, прашаа корисниците на социјалните мрежи.

Инаку, Гранде, Ериво и остатокот од екипата на „Злобница 2“ моментално се на светска турнеја за промоција на филмот, кој излегува на 21 ноември.

ВИДЕО | Драма на филмска премиера во Сингапур: Аријана Гранде нападната од обожавател, колегите морале да ѝ помогнат