Ново име во Англија: Освојувачот на Лига Европа на клупата на Вулверхемптон
Хулен Лопетеги е новиот менаџер на Вулверхемптон, соопшти овој англиски клуб. Тој ќе го преземе тимот на 14 ноември, пред почетокот на паузата во Премиер лигата поради Светското првенство во Катар.
Откако Бруно Лаж доби отказ на 2 октомври, Вулверхемптон беше без менаџер еден месец.
Шпанскиот стратег првично не сакаше да дојде во Вулверхемптон, поради здравствената состојба на неговиот татко.
Лопетеги доаѓа од Севиља, со која ја освои Лигата на Европа во 2020 година, но многу лошиот почеток на тековната сезона доведе до разделба.
Во својата кариера беше тренер на Рајо Ваљекано, Порто, Реал Мадрид, ги водеше јуниорските селекции на Шпанија како и сениорската репрезентација на оваа земја.
We are delighted to announce Julen Lopetegui will take charge as our new head coach on Monday 14th November.
🐺✍️
— Wolves (@Wolves) November 5, 2022