Нови дојави за бомби во трговски центри низ Белград
Во неколку белградски трговски центри за помалку од половина час петпати било лажно дојавено дека се поставени бомби, соопшти српското МВР.
Станува збор за трговскиот центар ТЦ Рајиќева и ТЦ Биг во Раковица. Како што пишуваат српските медиуми, МВР добиле дојава и за поставена бомба во трговскиот центар во Бањица.
– Екипите се на терен и засега немаме повеќе информации – соопшти полицијата.
Од српското МВР велат дека добиле дојава за поставена бомба, по што наредиле сите веднаш да го напуштат трговскиот центар. Во моментов е во тек евакуацијата на сите клиенти и вработени.
Околу трговскиот центар Рајиќево се собраа голем број луѓе кои чекаат нови информации за експлозивната направа.
И минатиот месец имаше неколку дојави за бомби низ Белград и Ниш
Да потсетиме, на крајот на минатиот месец, граѓаните на Белград и Ниш беа загрижени поради дојавите за бомби во трговските центри и училиштата.
Дојавите за поставени бомби во училиштата почнаа од рано наутро, најпрвин во Медицинското училиште во Звездара, а потоа од минута во минута истата информација стигнуваше и до другите училишта.
Илјадници ученици беа евакуирани низ Белград, а експертите веруваат дека следните „мети“ би можеле да бидат големите јавни собири.
Поради дојави за бомби, евакуирани дваесетина средни училишта во Белград